Жендэрийн үнэлгээний үр дүнг танилцуулах зөвлөлдөх уулзалт амжилттай зохион байгуулагдлаа
Төсөл нь Баянгол, Баянзүрх, Сонгинохайрхан дүүргийн гурван зорилтот хороонд сургалт, менторшипийн хөтөлбөрийг зохион байгуулсан. Энэхүү хөтөлбөрийн жендэрийн үнэлгээний үр дүнг танилцуулах олон талын зөвлөлдөх уулзалт 2025.11.27-ны өдөр амжилттай болж өнгөрлөө. Уулзалтад төрийн байгууллагын төлөөлөл, судлаачид, мэргэжилтнүүд болон оршин суугчид оролцож, дулаалгын ажил болон нийгмийн хамгааллын хөтөлбөрүүд жендэрийн тэгш байдлыг хэрхэн дэмжиж болох талаар санал солилцсон.
Төслийн сургалт, менторшипийн хөтөлбөрөөр зарим оршин суугчид жижиг төсөл боловсруулж, төрийн санхүүжилттэй нийгмийн халамжийн хөтөлбөрүүдэд амжилттай хамрагдан өрхийн орлогооо нэмэгдүүлж, оролцоогоо сайжруулсан туршлагаа хуваалцсан юм. Төсөл цаашид хамтрагч байгууллагуудтайгаа Улаанбаатар хотын угсармал орон сууцны хорооллуудыг аюулгүй, хүртээмжтэй, уур амьсгалын эрсдэлд тэсвэртэй болгох үйл ажиллагааг үргэлжлүүлэх болно.
